Ek moet admit…. my kinders het te veel speelgoed. of laat ek eerder sê: my kabouter kind het te veel speelgoed. Ek is mal daaroor om vir hom speelgoed te koop. seker omdat ek ook net so lekker daarmee kan speel, of net omdat dit vir my lekker is om sy gesig te sien as hy dit kry. en ja ja….. ek weet dit is nie goed vir ‘n kind om so baie te ontvang nie. moet sê: ek het baie afgeskaal hierdie jaar…. net verjaarsdae en kersfees en so nou en dan ‘n klein dingetjie. maar that is that. en die prinses kry ook die kabouter se ou speelgoed.
maar saam met speelgoed kry jy ook ‘n ander baie groot probleem: pakplek en organisering. dit is ‘n groot kopseer vir my. ek haat speelgoed wat oral rondlê. Oral in die kabouter se kamer is daar ‘n mandjie of ‘n houer met speelgoed
Die probleem met groot houers is: daar kan te veel speelgoed inpas. en mens kan nie alles met een slag sien nie.
So, uit met die groot houers en in met die platter houers
En toe kom die GROOOOOOOOT sort out. partymaal vergeet ons van sorting en speel eerder met die speelgoed. en baie kere ontdek ons ‘n speelding wat ons baie lanklaas gesien het of heeltemal vergeet het van.
maar alles is op die ou einde mooi uitgesorteer volgens Soort: een houer vir Dinosaurs (my kabouter kind kan nog steeds nie ‘n dinosaur weerstaan nie). een houer vir diere, een houer vir karretjies, een houer vir plastiek kos en die laaste ene vir potte, panne, breekgoed en messegoed (hy is van kleins af baie lief vir kosmaak)
En voila… speelgoed netjies uitgesorteer en lyk sommer netjieser onder sy bed: